寒天 ÀM-SÎ 佇嘉義市 Ē-SÁI 按怎食? – 兩個太陽的台灣

寒天 ÀM-SÎ 佇嘉義市 Ē-SÁI 按怎食?

嘉義車頭三雅雞肉飯 SĪ LĀU-TIÀM,落車 Í-AU SIŪⁿ-BEH 食雞肉飯,CHIT-KENG SĪ CHIOK 方便。

KÓNG TIO̍H 口味,薄、袂油 SĪ GÓA Ê KÁM-KAK。CHIA̍H KHÍ-LÂI 雞汁 KAH-CHŌE, ENG-KAI SĪ THÂU-KE CHÒ-LIÁU KAH 溼澹,火雞肉部份好咬,和飯做伙哺 CHIOK SŪN,CHIA̍H-LIÁU 袂柴柴。

KÁ-SÚ LÍ KAH-Ì 油厚味,CHIT-KENG TONG-LIÂN SĪ 袂考慮。

火炒鴨肉羹,LIĀU-LÍ CHO͘-HA̍P SĪ 摻皮鴨肉、蒜頭和蔥頭同齊攪炒了,濫清羹 CHÒ-HÓE CHIA̍H Ê HONG-SEK。

CHIA̍H KHÍ-LÂI 淡薄仔芳甜,鴨皮肉加清羹鬥陣食,喙尾 Ê KÁM-KAK GÓA MĀ BĒ-HIÁU-KÓNG,來嘉義 CHIA̍H KHÀN-MĀI 你就知。

CHIT-KENG HŌ͘ GÓA 真袂爽个所在是:店頭足大間,碗箸品質真低路。THÂU-KE Ê THÂU-KHAK KHÓ-LÊNG SĪ 貯屎,無環保觀念,BĒ-KHÌ HA̍K-SI̍P ÁN-CHOÁⁿ LÂI SENG-KIP 物件个質感。

寒天食燒甜,紅豆豆奶豆花 SĪ SIŌNG HÓ Ê SOÁN-TE̍K!

KI-PÚN-POÂⁿ SĪ 豆奶加豆花,ÀI CHIA̍H 啥物料 TO̍H KIÒ THÂU-KE LĀM。看起來真簡單,TĀN-SĪ CHI̍T-KHAI-SÍ CHIA̍H LO̍H-KHÌ 會淡薄甜,SÒA–LO̍H-KHÌ Ē PIÀN-CHÒ 豆奶花个味,KHÀN LÍ 濫櫃項料,LÍ KHÁU-BĪ Ê 變化 TŌ-EH 無仝。

KÎ-SI̍T GÓA CHIOK-CHIÓ LEH 食甜,GÓA SĪ KHÀN 魚夫个冊「桃城著味」,KAH 知影 CHIT-KHOÁN 食法,TONG-LIÂN CHE-SĪ 嘉義 KAH-Ū Ê 物件,別位食無啦。